DEI SOM REISTE
Utflytta frå Hovin i Telemark
1890-1898
Utvandra til Amerika i 1891
- Menn:
- Kvinner: 2
- Barn:
Utvandra til Amerika i 18..
- Menn:
- Kvinner:
- Barn:
Dette er dei som reiste:
1890 - Ole Torkilsen Juvet - 20 år
Utflytta til Numedal/Amerika. Meldt utflytting i 1890 (for ca 2 aar siden) Reiste til Amerika i 1893
Utflytting: Ole Torkjelsson Juve.
Ole var son til mine tippoldeforeldre Mari og Torkjel Juve. Ole reiste fyrst til Uvdal der han gifta seg med Kari Gregersdotter Staaland. I 1893 reiste han frå Uvdal med kone og to barn til Amerika.
Dei fekk etter kvart 15 barn. Dei busette seg i Rushford, Fillmore, Minnesota. Ole døde der i 1949. Kari i 1954. Då Kari døde hadde ho 36 barnebarn og 45 oldebarn. Eg har på langt nær funne dei alle. Les meir.
1891 - Asloug Olsdtr. Haave - 29 år
Utvandra til Amerika. Meldt utflytting frå Hovin 1. juni 1891.
Utflytting: Aslaug Olsdotter Hove.
Aslaug reiste i lag med Anne Gjermundsdotter Holte. Ho reiste med skipet Montebello frå Kristiania den 5. juni 1891. Namnet og fødselsåret i skipslista er nok feil og samanblanda med namnet til medpassasjeren.
Aslaug var truleg gravid då ho reiste. I oktober same året fødte ho sonen Oskar som fekk namnet Oskar Estenson. I 1895 gifta Aslaug seg med Halvor Østensson Veåsen. Han vart enkemann i 1891. Han var 20 år eldre enn Aslaug og hadde vore gift tre gonger. Dei fekk tre barn etter at dei vart gift.
Aslaug døde i Elbow Lake, Grant County, Minnesota i 1936. Ho var enke i over 30 år.
1891 - Anne Gjermundsdtr. Holtet - 33 år
Utvandra til Amerika. Meldt utflytting frå Hovin 1. juni 1891.
Utflytting: Anne Gjermundsdotter Holte.
Anne reiste med skipet Montebello den 5. juni i 1891. Billetten var forhåndsbetalt. Ho reiste saman med Aslaug Olsdotter Hove. Reisemålet var New York.
Annes syster, Aslaug, hadde reist til Amerika i 1886. Aslaug busette seg i Grant County, Minnesota.
Eg har, til no, ikkje funne Anne etter at ho reiste til Amerika.
1892 - Halvor Johannesen Bakken - 31 år
Utflytta til Rollag, Numedal. Meldt utflytting 20. juni 1892.
Utflytting: Halvor Johannesson Bratterud.
Halvor reiste til Rollag i Numedal og gifta seg med Margit Halvorsdotter Kleivan. Dei busette seg på Kleivan søndre i Rollag og dei fekk fire barn som eg har funne.
Halvor døde i Rollag i 1959.
1892 - Ragnild Olsdtr. Haave - ca 19 år
Utvandra til Amerika. Meldt utflytting frå Hovin 14. september 1892.
Utflytting: Ragnhild Olsdotter.
Ragnhild var «ugift tjener» på Hove. Ho var kanskje født på Helleberg, Gransherad i 1871. Det er to år tidlegare enn oppføringa i kyrkjeboka, så dette er på ingen måte sikkert.
Eg har ikkje funne noko meir om Ragnhild.
1892 - Birgit Halvorsdatter Sønstegaard - 30 år
Utflytta til Tinn. Meldt utflytting 16. september 1892.
Utflytting: Birgit Halvorsdotter Sønstegard.
Då Birgit melder utflytting til Tinn blir det sagt at ho er «Ugift, Eier af Nyland Hotel» Eg har ikkje funne noko meir om Birgits eigarskap i Nyland Hotel, eller korleis dette eigarskapet kom i stand. Heller ikkje kva som skjedde med eigarskapet etter.
Birgit gifta seg med Tore Olsson Lien. Han var landhandlar og gårdbuker i 1900.
Birgit vart gravlagt på Vår Frelsers gravlund, Oslo i 1937.
1892 - Ole Gjermundsen Graver - 31 år
Utvandra til Amerika. Meldt utflytting frå Hovin 21. november 1892. «Anm.: De to sidstnævnte (Ole og Torstein) kom ikke til at udvandre.»
Utflytting: Ole Gjermundsson Graver.
Ole Gjermundsson gifta seg i 1895 med Åsne Gjermundsdotter Rui frå Rudsgrend i Hovin kyrkje. Dei fekk ein son i Hovin. Dei busette seg i Austbygde. I fylgje TinnSoga skal Ole har vore lærer og han kjøpte Sud Bokko og Hegardsmogen. Dei fekk etter det eg kan sjå tre barn. Det finst ikkje kyrkjebøker for Austbygde.
Ved folketeljinga i 1900 budde dei på Bøen skule.
Ole døde i 1920. Åsne vart nær hundre år gamal og døde i 1972. Begge er gravlagde ved Austbygde kyrkje.
Oles son, Gjermund, vart far til Hans, som gifta seg med Randi Finkenhagen. Randi var syster til mine barns bestemor, Ingrid Finkenhagen.
1892 - Tosten Gjermundsen Graver - 28 år
Utvandra til Amerika. Meldt utflytting frå Hovin 21. november 1892. «Anm.: De to sidstnævnte (Ole og Torstein) kom ikke til at udvandre.»
Utflytting: Torstein Gjermundsson Graver.
Torstein fekk ein son i 1892 med Ingebjørg Kittilsdotter. Barnet døde og Ingebjørg flytta seinare til Gjerpen.
I 1895 gifta Torstein seg med Susanne Gjermundsdotter Rui frå Rudsgrend. Dei flytta litt rundt i bygda før dei etter kvart kom til Espeset. Dei fekk fem barn. Susanne døde av lungetæring i 1910.
Torstein døde i 1940.
1893 - Gunlek Johannesen Bakken - 27 år
Utflytta til Rollag, Numedal. Meldt utflytting frå Hovin 23. januar 1893.
Utflytting: Gunleik Johannesson Bratterud.
Gunleik reiste til Rollag og gifta seg med Marthe Nilsdotter frå Fjøse. Dei busette seg på Laugen nordre. Dei fekk to døtre som begge døde som småbarn.
Gunleik døde i 1941 og vart gravlagt ved Rollag stavkyrkje.
1893 - Ingebjørg Olsdtr. Johnsgaard - 24 år
1893 - Hans Hansen Rui - 23 år
Utvandra til Amerika. Ingebjørg meldte utflytting frå Hovin 15. mars 1893. Hans meldte utflytting 27. mars 1893.
Utflytting: Ingebjørg Olsdotter.
Utflytting: Hans Hansson.
Ingebjørg og Hans var ikke gift då dei reiste frå Hovin. Heller ikkje då dei gjekk ombord på skipet Angelo i Kristiania den 7. april 1893. Dei vart nok gift enten på overfarten eller rett etter at dei kom til Amerika.
Dei fekk dottera Julia Bertine i februar 1894. Dei busette seg i Rushford, Fillmore, Minnesota. Det ser ikkje ut til at dei fekk fleire barn.
Hans døde tidleg, berre 29 år gamal, i 1899. Han var gravlagt i Fillmore. Ingebjørg var truleg ein tur heim til Hovin i 1924.
Ingebjørg døde i Nord Dakota i 1958 og vart 89 år gamal. Ho vart også gravlagt i Fillmore.
1893 - Margit Jonsdtr. Rui - 22 år
Utvandra til Amerika. Meldt utflytting frå Hovin 27. mars 1893.
Utflytting: Margit Jonsdotter.
Alle syskena til Margit reiste til Amerika med få års mellomrom. Margits bror Andres kom heim til Hovin igjen for å ta over garden.
Eg har ikkje funne noko sikkert om Margit etter at ho reiste frå Hovin. Men sjå Hans Gunnulfsson Hovinbøle, under. Eg trur at Margit og Hans reiste enten som syskenpar eller som ektepar. Dersom dette er rett så var reismålet Elbow Lake.
Eg har kobla dei som forlova i slektstreet, men det er IKKE sikkert.
1893 - Hans Gunnufsen Hovinbøle - 24 år
Utvandra til Amerika. Meldt utflytting frå Hovin 27. mars 1893.
Utvandra: Hans Gunulfsson.
Hans reist med Angelo den 7. april 1893. Han kalla seg då Hans Gunderson. I fylje med han reiste Margit Gunderson, ugift, frå Gransherad, født 1872. Eg trur dette er Margit Jonsdotter Rue, sjå over, men eg kan ikkje være sikker ettersom eg ikkje finn noko meir om dei etter at dei reiste. Reisemålet deira var Elbow Lake.
Eg har kobla dei som forlova i slektstreet, men det er IKKE sikkert.
1893 - Ingebjørg Torkilsdtr. Bakken - 29 år
Utvandra til Amerika. Meldt utflytting frå Hovin 26. april. 1893.
Utflytting: Ingebjørg Torkildsdotter.
Dei fleste av sykena til Ingeborg døde unge. Det ser ut til at Ingebjørg reiste aleine. Ho reiste med skipet Angelo, og reisemålet var New York.
Eg har ikkje funne Ingebjørg etter at ho reiste frå Noreg.
1893 - Anders Olsen Haugen - 69 år
Utvandra til Amerika. Meldt utflytting frå Hovin 16. juni 1893.
Utflytting: Anders Olsen.
Anders vart enkemann i 1889. Dottera Svanaug hadde reist til Amerika i 1869. Sonen Nils reiste i 1883.
Billetten til Anders var forhåndsbetalt, så kanskje var det eit av barna som hadde betalt.
Alderen til Anders var endra til 58 år i reisepapirene då han reiste med skipet Montebello. Ein ser frå tid til annan at eldre emigrantar «lyg» på alderen når dei reiste. Kanskje var det lettare å få innreise om ein var i arbeidsdyktig alder. Men det kan også ha vore ein skrivefeil.
Eg har ikkje funne Svanaug, Nils eller Anders etter at dei reiste.
1896 - Herbjørn Olsen og Kjersti Olsdtr Rui
Utvandra til Amerika. Meldt utflytting frå Hovin 14. april 1896.
Utflytting: Herbjørn og Kjersti Rue.
Dei gifta seg i Gransherad, og same dagen meldte dei utflytting til Amerika. Dei fekk dottera Gladys i Amerika.
I 1914 kom dei tilbake til Hovin.
Herbjørn døde i 1959 og Kjersti i 1963. Begge blei gravlagt på Hovin kyrkjegard.
1896 - Ole Høljesen Bratterud - 22 år
Utvandra til Amerika. Meldt utflytting frå Hovin 27. juli 1896.
Utflytting: Ole Høljesson Bratterud.
Ole og broren Østen var dei fyrste som reiste i denne familien. Foreldra og dei fem andre syskena kom etter i mai 1900. Ole reiste med skipet Island. Reisemålet var Alpena D.t.
I 1920 finn ein heile familien i Sanborn, South Dakota. Ole døde der, ugift, i 1949.
1896 - Østen Høljesen Bratterud - 17 år
Utvandra til Amerika. Meldt utflytting frå Hovin 27. juli 1896.
Utflytting: Østen Høljesson Bratterud.
Østen meldte utflytting saman med bror sin Ole. Østen er ikkje å finne i skipslista saman med broren, men han reiste nok mest truleg med same skipet.
Østen vart innkalla til World War II Draft Registration i 1942, men han mangla høgre pekefinger og var 62 år. Han vart nok ikkje utkalla.
Østen døde, ugift, i Sanborn, South Dakota, i 1942.
1899 - Andres Nilsen og Aaste Halvorsdtr. Omdalen med dottera Gro
Utflytta til Tinn Austbygd. Meldt utflytting 19. august 1897.
Utflytting: Andres og Aaste Omdalen.
Dei reiste truleg i 1888 og hadde no kanskje bruk for flyttemelding. Kanskje barn skulle bli konfirmert eller barna skulle gifte seg.
Dei kom til Sjøtveit søndre. Andres døde 1929 og Aaste i 1938. Dei vart gravlagde på Austbygde kykjegard.
Kjelder:
Forsidebilete: Montebello. Foto: Wilse, Anders Beer.
Digitalarkivet.no
Hovinsoga – Gardar og Ætter.
Hovinsoga 1987. Sauro, Herbjørn K. | Rue, Ole Godtfred | Urdal, Olav H.
Tinn soga 2. Einung, H. H.
Gransheradsoga. Tjønnås, Ketil | Nisi, Aaste | Quamme, O.A.
Hitterdalsboken : gaarde og slegter. Holta, O. H.
History of the Norwegian people in America. Ole Morgan Norlie